Produksjonstal juni 2021

Til saman blei det selt 7,9 milliardar standard kubikkmeter gass (GSm³), som er 0,8 GSm³ lågare enn månaden før.

Væskeproduksjonen i juni fordeler seg slik: 1 674 000 fat olje, 196 000 fat NGL og 12 000 fat kondensat i gjennomsnitt per dag.

Oljeproduksjonen er 3,6 prosent under OD sin prognose for juni og 0,4 prosent over prognosen for kumulativ produksjon i 2021.

Dei viktigaste årsakene til at produksjonen i juni er lågare enn venta er tekniske problem og vedlikehaldsstans på nokre felt.

Produksjon juni 2021

Oljeproduksjon 2021

Væskeproduksjon 2021

Gassproduksjon 2021

Den totale petroleumsproduksjonen så langt i 2021 er om lag 112,8 millionar standard kubikkmeter oljeekvivalentar (MSm³ o.e.) petroleum på norsk sokkel.

Av dette er om lag 49,9 MSm³ o.e olje, om lag 7,8 MSm³ o.e NGL og kondensat,

og det er selt om lag 55,1 MSm³ o.e gass. Totalvolumet er 2,4 MSm³ o.e. lågare enn i 2020.