Boreløyve for brønn 16/5-8 S i utvinningsløyve 815
26.03.2019 Oljedirektoratet har gitt Lundin Norway AS boreløyve for brønn 16/5-8 S, jf. ressursforskrifta paragraf 15.
Brønnen skal borast frå boreinnretninga Leiv Eiriksson i posisjon 58°43'37,29"N og 02°21'11,77" A etter at boring av brønn 16/1-31 S med opsjonelle sidesteg i midtre delen av Nordsjøen er avslutta.
Boreprogrammet for brønn 16/5-8 S gjeld boring av undersøkingsbrønn i utvinningsløyve 815, der Lundin Norway AS er operatør med ein del på 40 prosent. Dei andre rettshavarane er Concedo ASA, Lime Petroleum AS og Petoro 20 prosent kvar.
Arealet i dette løyvet består av del av blokk 16/5. Brønnen blir bora om lag 11 kilometer søraust for 16/1-28 S på Rolvsnes-funnet i den midtre delen av Nordsjøen.
Utvinningsløyve 815 blei tildelt 05. februar 2016 (TFO 2015). Dette er den fyrste leitebrønnen som blir bora i det noverande løyvet, men det er tidlegare bora ein undersøkingsbrønn innanfor løyvet sitt areal.
Løyvet føreset at dei andre løyva og samtykka kravd av andre myndigheiter er gitt før boreaktiviteten startar.
Oppdatert: 11.02.2025