Boreløyve for brønn 6507/8-10 S i utvinningsløyve 889
08.01.2020 Oljedirektoratet har gitt Neptune Energy Norge AS boreløyve for brønn 6507/8-10 S, jf. ressursforskrifta paragraf 15.
Brønn 6507/8-10 S skal borast frå boreinnretninga West Phoenix i posisjon 65°18'10,40"N og 7°31'13,39"A etter avslutting av boring av undersøkingsbrønn 15/3-12 S for Equinor Energy AS i utvinningsløyve 025.
Boreprogrammet for brønn 6507/8-10 S gjeld boring av undersøkingsbrønn i utvinningsløyve 889. Neptune Energy Norge AS er operatør med ein del på 60 prosent. Dei andre rettshavarane er Equinor Energy AS (20 prosent) og Wellesley Petroleum AS (20 prosent).
Arealet i dette løyvet består av ein del av blokk 6507/8. Brønnen blir bora om lag 7 kilometer aust for Heidrun-feltet i Norskehavet og 216 kilometer vest for Brønnøysund.
Utvinningsløyve 889 blei tildelt 10. februar 2017 i TFO 2016 på norsk sokkel. Dette er den første brønnen som blir bora i løyvet.
Løyvet føreset at dei andre løyva og samtykka kravd av andre myndigheiter er gitt før boreaktiviteten startar.
Oppdatert: 08.01.2020