Oljedirektoratet

Alle statusrapportane er no på Faktasidene og i Faktakart

john-schnobrich-FlPc9_VocJ4-unsplash

Illustrasjonsfoto: John Schnobrich, Unsplash.

04.11.2022 No er alle tilgjengelege statusrapportar (tilbakeleveringsrapportar) gjort tilgjengelege på Faktasidene.

Dette utgjer rapportar frå meir enn 600 utvinningsløyve.

OD har gått gjennom fleire hundre historiske statusrapportar det siste året for å gjere desse klare for publisering. Dei publiserte rapportane kan også hentast fram direkte frå ODs Faktakart.

Med denne funksjonaliteten får du raskt oversikt over kor det finst rapportar. Dersom du ynskjer rapportar berre frå eit bestemt område, er det lett å gjere det direkte frå kartet.

For å finne rapportar frå til dømes Mørebassenget eller blokk 31 kan ein slå på kartlaget «Lisens, dokument», zoome inn og markere – og få oversikt over statusrapportane som er frigitt i området.

Ein statusrapport gir eit samandrag av mellom anna historikken til eit utvinningsløyve. Han har og informasjon om data som er samla inn, studiar som er gjort og resultat av desse studia. I tillegg gir rapporten ei oversikt over kartlagt prospektivitet i utvinningsløyvet.

Petroleumsforskriftas paragraf 85 fjerde ledd blei endra, med tilbakeverkande kraft, frå 1. januar 2021. Endringa medfører at teieplikta for tolka data i statusrapportar fell bort frå det tidspunktet løyvet blir gitt opp, fell bort, går ut eller det området data stammar frå blir levert tilbake. Dermed kan statusrapportane frigjevast.

«Norsk sokkel blir stadig meir moden, og mange av dei same områda er blitt utforska i fleire utvinningsløyve tidlegare. For å forstå petroleumsgeologien på sokkelen betre, og unngå å gjere det same arbeidet fleire gongar, er det viktig å overføre kunnskap og data slik at også nye aktørar får innsikt i førre rettshavarars vurderingar», seier Arne Jacobsen, underdirektør i Teknologi, analysar og sameksistens.

Om lag eit og eit halvt år etter at arbeidet med å frigi statusrapportane byrja, ser ein at dei blir mykje brukt av selskapa, og tilbakemeldingane er gode. Mellom anna brukar dei rapportane når dei skriv TFO-søknadar (TFO, tildeling i forhåndsdefinerte områder). Rapportane gir oversikt over kva arbeid som er utført og tidlegare tolkingar av geologien i området.

«Særleg små selskap med mindre databasar har nytte av å sjå analysar frå område dei kanskje ikkje har data frå kan brukast til å få oversikt over areal dei vurderer å søkje seg inn i», seier Jacobsen.

Operatøren skal levere inn statusrapport seinast tre månadar etter at eit utvinningsløyve går ut, bortfell eller oppgis. Den blir gjort tilgjengeleg på ODs Faktasider og Faktakart så snart den er kvalitetssikra. I praksis betyr det at OD ser til at rapporten er i tråd med rettleiinga og at han ikkje inneheld forretningsløyndomar.

Her finn du frigjevne statusrapportar i Faktakart 
Her finn du frigjevne statusrapportar i Faktasider 

Kontakt
Bjørn Rasen

Tlf: +47 51 87 60 00

Oppdatert: 07.11.2022

Siste nyheter

Teknologi er helt avgjørende
07.06.2024 Teknologidagen 2024 ble en suksess. Det var gode presentasjoner og diskusjoner rundt innsamling av undergrunnsdata, utfordrende fat og neste generasjons produksjonssystem.
Fagfolkene våre utfører viktig arbeid for hele næringen
07.06.2024 Fagfolkene i Sokkeldirektoratet er sentrale foredragsholdere på den store fagkonferansen EAGE. Her skal de snakke om faglig arbeid som kommer industrien og hele samfunnet til gode.
Utlysning av areal for lagring av CO2 på norsk sokkel
06.06.2024 Energidepartementet har 6. juni 2024 lyst ut tre områder for lagring av CO2 etter lagringsforskriften. Områdene omfatter definerte blokker i Nordsjøen.
Boreløyve for brønnbane 6605/6-1 S
05.06.2024 Sokkeldirektoratet har gitt OMV (Norge) AS boreløyve for brønnbanene 6605/6-1 S i utvinningsløyve 1194, jf. ressursforskrifta paragraf 13.
Streiken avblåst
05.06.2024 Fagorganisasjonen Unio har tatt ut 23 ansatte i Sokkeldirektoratet i streik fra onsdag 5. juni. Oppdatering: Onsdag morgen er streiken avblåst. Alle ansatte er tilbake på jobb som vanlig.
Stort areal med nye frigitte datasett i Barentshavet
04.06.2024 Det utlyste TFO-arealet i Barentshavet er utvidet med 34 blokker og har god dekning av nylig frigitte seismiske data.
Inviterer til seminar/workshop om tette reservoarer
04.06.2024 Sokkeldirektoratet inviterer til workshop, seminar og paneldebatt om frakturering og stimulering av reservoar med lav-permeable soner tirsdag 1. oktober 2024 i våre lokaler. Energidepartementet, Sokkeldirektoratet, rettighetshavere, leverandører og teknologiselskap holder foredrag.
Mange nye muddervulkaner oppdaget vest i Barentshavet
04.06.2024 Hele ti nye muddervulkaner er påvist på 440-480 meters dyp vest i Barentshavet.
Tørr brønn i Barentshavet
30.05.2024 Letebrønnen 7219/6-1 «Venus» i Barentshavet var tørr.
Tørr brønn i Nordsjøen
30.05.2024 Aker BP boret tørt i brønn 24/6-5 «Alvheim Deep» i Nordsjøen.