Diskos og Oljedirektoratet har gitt Troika International oppdraget med å utgreie kva som skal til for å implementere eit oppdatert rapporteringsformat for seismikkdata.

«Segy rev. 2-formatet vil gjere det mogleg å i langt større grad automatisere innrapporteringa av seismikk. Det blir også lettare for brukarane å konvertere formatet til sine ønska bruksformat», seier Petter Dischington, som er ansvarleg for prosjektet i OD.

Segy-formatet som blir bruk i dag stammar frå 1970-talet, og det er godt kjent for alle som har brukt seismikk.  Men formatet har avgrensingar som gjer det vanskeleg å lagre dagens enorme mengder seismikkdata, og maskinlesbarheita til formatet er ikkje optimalt. Noreg blir eitt av dei første landa som tar i bruk Segy rev. 2.

Prosjektet skal ferdigstillast i første kvartal 2023. Etter planen skal det danne grunnlaget for vidare oppdatering av rapporteringsregelverket for seismikkdata.