Årsrapporten 2025: Frå store funn til mindre og meir krevjande prosjekt
– Norsk sokkel er i endring. Då må også forvaltninga endra seg, seier direktør i Sokkeldirektoratet, Torgeir Stordal. Foto: Studio Hjelm.
30.04.2026 Årsrapporten for 2025 viser korleis Sokkeldirektoratet har rigga seg for ein meir krevjande kvardag på norsk sokkel: Ny organisering, digitalt løft og styrkt beredskap.
– Tida me lever i er prega av store endringar, både geopolitisk og teknologisk. Det stiller nye krav til både næringa og oss i direktoratet, skriv direktør Torgeir Stordal i årsrapporten for 2025.
Høg produksjon, meir kompliserte prosjekt
Produksjonen på norsk sokkel er framleis høg, men utviklinga går i retning av mindre og meir komplekse funn og prosjekt. I 2025 innførte Sokkeldirektoratet ny organisering med forsterka leiarkapasitet for å møta denne utviklinga og følgja opp felt i drift meir målretta.
Mange funn ventar på utbygging
Det er framleis over 90 funn som ikkje er utvikla, mange av dei i tette reservoar. Direktoratet har i 2025 arbeidd særskilt for å stimulera til samarbeid og samordning i næringa for å utnytta desse ressursane.
Digitalt løft og skjerpa beredskap
Innføringa av sektoravgift frå sommaren 2025 gav oss høve til å skru opp farten på digitaliseringa, mellom anna gjennom meir effektiv rapportering og betre dataflyt. Samtidig har den tryggingspolitiske situasjonen ført til skjerpa krav til beredskap.
Heile årsrapporten for 2025 kan du lesa her
Oppdatert: 30.04.2026