Produksjonstal for desember 2019
17.01.2020 Førebels produksjonstal i desember 2019 viser ein gjennomsnittleg dagsproduksjon på 2 082 000 fat olje, NGL og kondensat. Det er ein oppgang på 95 000 fat per dag samanlikna med november.
Til saman blei det selt 10,7 milliardar standard kubikkmeter gass (GSm3), som er 0,7 GSm3 meir enn månaden før.
Væskeproduksjonen i desember fordeler seg slik: 1 759 000 fat olje, 296 000 fat NGL og 27 000 fat kondensat i gjennomsnitt per dag.
Oljeproduksjonen er 12,7 prosent over OD sin prognose for desember og 0,5 prosent under prognosen for 2019.
Produksjon desember 2019
Oljeproduksjon 2019
Væskeproduksjon 2019
Gassproduksjon 2019
Den totale petroleumsproduksjonen i 2019 var om lag 216,0 millionar standard kubikkmeter oljeekvivalentar (MSm3 o.e.) petroleum på norsk sokkel.
Av dette er om lag 81,8 MSm3 o.e olje, om lag 19,0 MSm3 o.e NGL og kondensat, og det er selt om lag 115,2 MSm3 o.e gass. Totalvolumet er 13,6 MSm3 o.e. lågare enn i 2018.
Oppdatert: 17.01.2020